બાપુનગરમાં ફાયરિંગ કરીને રૂપિયા 20 લાખની લૂંટ

શહેરના બાપુનગર વિસ્તારમાં રૂપિયા 20 લાખની લૂંટની પ્રાથમિક માહિતી સામે આવી રહી છે. બાપુનગરના ડાયમંડ માર્કેટ પાસે ખાનગી પેઢીના કર્મચારી રૂપિયા ભરેલી બેગ લઈને નીકળતા બે જેટલા આરોપીઓ ફાયરિંગ કરીને ફરાર થઈ ગયા હોવાનું સામે આવી રહ્યું છે. પ્રાથમિક તપાસમાં રૂપિયા 20 લાખ હોવાનું સામે આવી રહ્યું છે. ઘટનાની જાણ થતાં પોલીસ તંત્ર દોડતું થઈ ગયું છે

કર્મચારી ગઇકાલે 20 લાખ રૂપિયા લઇને તેના ઘરે ગયો હતો. આજે સવારે કર્મચારી જ્યારે રૂપિયા લઇને નિકળ્યો ત્યારે બે લૂંટારૂઓ તેનો પીછો કરી રહ્યા હતા. કર્મચારી જ્યારે ઓફિસે પહોચ્યો ત્યારે બન્ને શખ્સોએ તકનો લાભ લઇને લૂંટની ઘટનાને અંજામ આપી હતી.