BSF ભુજ દવારા હાથ ધરાયેલા વિશેષ સર્ચ ઓપરેશનમાં, BSF ભુજે 12 ડિસેમ્બર 2022ની સવારે હરામી નાળામાંથી 03 પાકિસ્તાની માછીમારોને ઝડપી લીધા હતા. 11 ડિસેમ્બરના રોજ, BSFના પેટ્રોલિંગે હરામી નાળા વિસ્તારમાં પાકિસ્તાની ફિશિંગ બોટ અને માછીમારોની હિલચાલ જોઈ. એલર્ટ બીએસએફની ટીમે તાત્કાલિક ઘટનાસ્થળે પહોંચીને બોટને કબજે કરી હતી, પરંતુ બીએસએફને પોતાની તરફ આવતા જોઈ માછીમારો બોટ છોડીને પાકિસ્તાન તરફ ભાગવા લાગ્યા હતા. મુશ્કેલ અને પડકારરૂપ ભેજવાળી જમીન તેમજ રાત્રિના કારણે મર્યાદિત દૃશ્યતા હોવા છતાં, BSFએ તેમનો પીછો કર્યો અને 03 પાક માછીમારોને પકડી લીધા. શ્રી રવિ ગાંધી, ઇન્સ્પેક્ટર જનરલ, BSF, ગુજરાત ફ્રન્ટિયરની દેખરેખ અને માર્ગદર્શન હેઠળ ચાલેલી આ કામગીરી સફળતાપૂર્વક પૂર્ણ કરવામાં આવી હતી. ગુજરાત ફ્રન્ટીયરના ઇન્સ્પેક્ટર જનરલ તરીકેનો પદભાર સંભાળ્યા બાદ શ્રી ગાંધી ભુજ સેક્ટરની તેમની પ્રથમ મુલાકાતે છે.
પકડાયેલા માછીમારોની વિગતો-
1) અલી અસગર ઉ. લાલ ખાન 25 વર્ષ
2) જાન મોહમ્મદ ઉ. લાલ ખાન, 27 વર્ષ
3) બિલાલબલ s/o ખમીસો, 22 વર્ષ
તમામ પાકિસ્તાનના ઝીરો પોઈન્ટ ગામના રહેવાસી છે. અલી અસગર અગાઉ પણ 2017માં બીએસએફ દ્વારા પકડાયો હતો અને એક વર્ષ સુધી ભુજ જેલમાં રહ્યો હતો અને બાદમાં અટારી વાઘા બોર્ડર મારફતે પાકિસ્તાન પાછો ગયો હતો. માછીમારોની પૂછપરછ કરતાં તેઓએ જણાવ્યું કે તેઓ માત્ર માછીમારી માટે આવ્યા હતા કારણ કે તે તેમની આજીવિકાનું મુખ્ય સાધન છે. જપ્ત કરાયેલી બોટની સઘન તપાસ કરવામાં આવી હતી અને બોટમાંથી 01 આઈસ બોક્સ, 02 ફિશિંગ નેટ કેટલાક મસાલા અને વાસણો સિવાય કંઈપણ શંકાસ્પદ મળ્યું ન હતું.
Check Also
ગરમીની ઋતુમાં ફળોના ભાવમાં થયો વધારો
ગરમીની સીઝનમાં શાકભાજી અને ફળોની આવક વધુ થતી હોય છે. હમણાં કચ્છ જિલ્લામાં કાળઝાળ ગરમીની …