નેશનલ હેરાલ્ડ કેસમાં ED ની મોટી કાર્યવાહી, સોનિયા-રાહુલ પર ચાર્જશીટ દાખલ

પ્રવર્તન નિદેશાલય (ED) એ કોંગ્રેસના નેતાઓ સોનિયા ગાંધી, રાહુલ ગાંધી અને અન્ય લોકો સામે મોટી કાર્યવાહી કરી છે. ED એ નેશનલ હેરાલ્ડ કેસમાં મની લોન્ડરિંગના આરોપમાં આ કોંગ્રેસ નેતાઓ વિરુદ્ધ ચાર્જશીટ દાખલ કરી છે. સ્પેશિયલ જજ વિશાલ ગોગનેએ 9 એપ્રિલે દાખલ થયેલી ચાર્જશીટની તપાસ કરી છે અને આ કેસમાં આગળની કાર્યવાહી અથવા સુનાવણી માટે 25 એપ્રિલની તારીખ નક્કી કરી છે. માનવામાં આવે છે કે આ કેસમાં સોનિયા ગાંધી, રાહુલ ગાંધી સહિત અન્ય નેતાઓની મુશ્કેલીઓ વધી શકે છે.

ED દ્વારા નેશનલ હેરાલ્ડ કેસમાં ચાર્જશીટ દાખલ કર્યા બાદ સોનિયા ગાંધી અને રાહુલ ગાંધીની મુશ્કેલીઓ વધી ગઈ છે. સોનિયા-રાહુલ વિરુદ્ધ ED એ ચાર્જશીટ દાખલ કરી છે. જણાવી દઈએ કે, ED એ મની લોન્ડરિંગ સાથે જોડાયેલા કેસમાં ચાર્જશીટ દાખલ કરી છે. ED એ નેશનલ હેરાલ્ડ મની લોન્ડરિંગ કેસમાં કોંગ્રેસ નેતાઓ સોનિયા ગાંધી, રાહુલ ગાંધી અને અન્ય લોકો વિરુદ્ધ રાઉઝ એવન્યુ કોર્ટમાં ચાર્જશીટ દાખલ કરી છે. આ કેસ એસોસિએટેડ જર્નલ્સ લિમિટેડ (AJL) અને યંગ ઇન્ડિયન પ્રાઇવેટ લિમિટેડ સાથે જોડાયેલો છે. પ્રવર્તન નિદેશાલય (ED) એ કથિત નેશનલ હેરાલ્ડ મની લોન્ડરિંગ કેસમાં કોંગ્રેસ સાંસદ રાહુલ ગાંધી, સોનિયા ગાંધી અને કોંગ્રેસ ઓવરસીઝના વડા સેમ પિત્રોડા વિરુદ્ધ દિલ્હીની રાઉઝ એવન્યુ કોર્ટમાં પ્રોસિક્યુશન કમ્પ્લેઇન્ટ દાખલ કરી છે. આ ચાર્જશીટમાં સુમન દુબે અને અન્ય લોકોના નામ પણ સામેલ છે. કોર્ટે આ કેસમાં આરોપો પર સંજ્ઞાન લેવાની સુનાવણીની તારીખ 25 એપ્રિલ નક્કી કરી છે.

ED દ્વારા દાખલ કરવામાં આવેલી ચાર્જશીટ પર સ્પેશિયલ જજ વિશાલ ગોગનેએ કહ્યું, “વર્તમાન પ્રોસિક્યુશન કમ્પ્લેઇન્ટને સંજ્ઞાનના પાસા પર વિચારણા માટે આ કોર્ટ સમક્ષ 25 એપ્રિલ, 2025 ના રોજ રજૂ કરવામાં આવશે.” જણાવી દઈએ કે ED દ્વારા મની લોન્ડરિંગ એક્ટ (PMLA), 2022 ની કલમ 44 અને 45 હેઠળ મની લોન્ડરિંગના ગુના માટે પ્રોસિક્યુશન કમ્પ્લેઇન્ટ નોંધવામાં આવી છે. આ એક દંડનીય ગુનો છે.