ગયા વર્ષે જાપાનમાં જન્મ કરતાં લગભગ બમણા લોકો મૃત્યુ પામ્યા

વડાપ્રધાન ફ્યુમિયો કિશિદાના સલાહકારના અનુસાર જો જાપાન તેના જન્મ દરમાં ઘટાડો સંભાળશે નહીં તો તેનું અસ્તિત્વ ખતમ થઈ જશે. માસાકો મોરીએ ટોક્યોમાં એક ઈન્ટરવ્યુમાં જણાવ્યું હતું કે, જો આપણે આ રીતે ચાલતા રહીશું તો દેશ અદૃશ્ય થઈ જશે. 28 ફેબ્રુઆરીએ જાપાને ગયા વર્ષે જન્મેલા બાળકોની સંખ્યામાં રેકોર્ડ ઘટાડો જાહેર કર્યો હતો.
ગયા વર્ષે જાપાનમાં જન્મેલા લોકો કરતાં લગભગ બમણા લોકો મૃત્યુ પામ્યા હતા, જેમાં 8,00,000 થી ઓછા જન્મ અને લગભગ 1.58 મિલિયન મૃત્યુ હતા. આ સ્થિતિથી ચિંતિત પીએમ કિશિદાએ બાળકો અને પરિવારો પરનો ખર્ચ બમણો કરવાનો નિર્ણય લીધો છે. જાપાનની વસ્તી ઝડપથી ઘટી રહી છે. 2008માં અહીની વસ્તી 128 મિલિયનથી ઘટીને 124.6 મિલિયન થઈ છે, અને ઘટાડાની ગતિ વધી રહી છે. 65 કે તેથી વધુ વયના લોકોનું પ્રમાણ ગયા વર્ષે વધીને 29% થી વધુ થયું હતું. મોરીએ કહ્યું, તે ધીરે ધીરે નથી પડી રહ્યું, તે સીધું નીચે જઈ રહ્યું છે. મોરી કિશિદા જન્મ દરની સમસ્યા અને LGBTQ મુદ્દાઓ પર સલાહ આપતા રહે છે. તેમણે કહ્યું, હવે જન્મેલા બાળકોને એવા સમાજમાં ફેંકવામાં આવશે જે વિકૃત થશે, સંકોચાઈ જશે અને કાર્ય કરવાની ક્ષમતા ગુમાવશે.