અસામાજીક તત્વોએ યુવતીઓને રોકી મોબાઇલ નંબર માગ્યો, ચપ્પુ બતાવી ધમકાવી

સુરતના ડીંડોલી વિસ્તારમાં બે જેટલા અસામાજિક તત્વો રસ્તા પરથી પસાર થતી કેટલીક યુવતીઓએ અટકાવી તેમની પાસે તેમના મોબાઈલ નંબરની માંગણી કરી હતી. આ યુવતી દ્વારા અસામાજિક તત્વોને મોબાઈલ નંબર આપવાની ના પાડતા તેમણે પોતાની પાસે રહેલું ચપ્પુ જેવું ઘાતક હથિયાર બતાવી આ યુવતીઓને ડરાવવાનો પ્રયાસ કર્યો હતો. આ જોતાં ગભરાયેલી યુવતીઓ ત્યાંથી ભાગી છૂટી હતી અને ઘરે પહોંચી પોતાના પરિવારને સમગ્ર ઘટનાની જાણ કરી હતી.

જે બાદ યુવતીઓનો પરિવાર ડિંડોલી પોલીસ મથકે ફરિયાદ કરવા દોડી ગયું હતું. જ્યાં આ પ્રકારની ગંભીર ફરિયાદ હોવા છતાં પોલીસે ફરિયાદ ન લઇને માત્ર સામાન્ય અરજી લીધી હતી. આ સમગ્ર મામલાના સીસીટીવી સોશિયલ મીડિયામાં વાયરલ થતાં પોલીસે અસામાજિક તત્વોને પકડી પાડવા માટે ચક્રો ગતિમાન કર્યા છે.