ભારતે 17 વર્ષ બાદ જીત્યો T20 વર્લ્ડ કપનો ખિતાબ, ફાઈનલમાં દક્ષિણ આફ્રિકાને 7 રનથી હરાવ્યુ

નવી દિલ્હીઃ ભારતે T20 વર્લ્ડ કપની ફાઇનલ મેચમાં સાઉથ આફ્રિકાને 7 રને હરાવીને ICC T20 વર્લ્ડ કપ 2024નું ટાઇટલ જીતી લીધું છે. આ સાથે ભારતે રોહિત શર્માની કપ્તાનીમાં T20 વર્લ્ડ કપનું બીજું ટાઇટલ જીત્યું છે. એમએસ ધોનીએ ટી20 વર્લ્ડ કપ 2007માં ભારતને પ્રથમ વખત વર્લ્ડ ચેમ્પિયન બનાવ્યું હતું. હવે ફરી એકવાર ભારતીય ટીમ દક્ષિણ આફ્રિકાને હરાવીને T20 વર્લ્ડ કપ 2024ની ચેમ્પિયન બની છે.આ મેચમાં ભારતે પ્રથમ બેટિંગ કરતા 20 ઓવરમાં 7 વિકેટ ગુમાવીને 176 રન બનાવ્યા હતા. ભારતે આપેલા 177 રનના ટાર્ગેટનો પીછો કરવા ઉતરેલી સાઉથ આફ્રિકાની ટીમ 20 ઓવરમાં 8 વિકેટ ગુમાવીને 169 રનમાં સમેટાઈ ગઈ હતી અને 7 રનથી મેચ હારી ગઈ હતી. આ મેચનો પ્લેયર ઓફ ધ મેચ વિરાટ કોહલી રહ્યો છે.