ઈરાનમાં હિજાબ વિરુદ્ધ ચાલી રહેલા વિરોધ વચ્ચે સરકારે મોરાલિટી પોલીસને ભંગ કરી દીધી છે. મહિલાઓ માટે આ એક મોટી જીત માનવામાં આવે છે. આ જીત માટે મહિલાઓએ ઘણું બલિદાન આપ્યું છે. પોલીસે વિરોધ કરી રહેલી મહિલાઓ પર ખૂબ જ અત્યાચાર કર્યો. મહિલાઓની સુંદરતા નષ્ટ કરવાનો પ્રયાસ કરવામાં આવ્યો હતો.
ઈરાની ડોક્ટરોનો હવાલો આપતા જણાવ્યું છે કે, ઈરાનની પોલીસ મહિલાઓની સુંદરતા નષ્ટ કરવા માટે કામ કરી રહી છે. સુરક્ષા દળો વતી વિરોધ કરી રહેલી મહિલાઓના ચહેરા, આંખ અને પ્રાઈવેટ પાર્ટ પર ગોળી મારવામાં આવી રહી છે. સાથે જ પુરુષોની પીઠ, પગ અને પ્રાઈવેટ પાર્ટને નિશાન બનાવવામાં આવી રહ્યા છે.