વીજકર્મચારી પર હુમલો કરનારા ગ્રાહકે લાઈટ બિલ ભરી દીધું હશે તો પણ તેના વીજ કનેક્શનની આખી સર્વિસ ઉતારી લેવાશે

વીજગ્રાહક વીજકર્મી ઉપર હુમલો કરશે તેની સામે પોલીસ ફરિયાદ તો થશે જ પરંતુ તેના વીજ કનેક્શનની આખી સર્વિસ લાઈન તે ગ્રાહકે બિલ ભર્યું હશે તો પણ પીજીવીસીએલ ઉતારી લેશે.
આ પ્રકારના કેસમાં પીજીવીસીએલ કડક પગલાં લે છે.
બિલ નહીં ભરનાર ગ્રાહક પાસે વીજકર્મી આવે અને તેની ઉપર હુમલો થાય કે પાવર ચેકિંગમાં ગયેલી ટીમ ઉપર હુમલો કરવામાં આવે તો તે ગ્રાહકે હુમલો કર્યા બાદ વીજબિલ ભરપાઈ કરી દીધું હશે તો પણ તેના કનેક્શનની સર્વિસ લાઈન ઉતારી લઇ કડક કાર્યવાહી કરવામાં આવશે.ઉલ્લેખનીય છે કે, છેલ્લા કેટલાક સમયથી પાવર ચેકિંગમાં ગયેલી પીજીવીસીએલની ટીમ ઉપર અવારનવાર હુમલાઓ થતા હોય છે જેમાં અનેક વીજકર્મીઓ ઘાયલ થતા હોય છે.

હુમલો કરનાર ગ્રાહક સામે પોલીસ ફરિયાદ તો કરવામાં આવે જ છે પરંતુ હવે પોતાના કર્મચારીઓ ઉપર હુમલો કરનાર સામે હવે પીજીવીસીએલ આકરું વલણ દાખવશે અને તે ગ્રાહકના કનેક્શનની આખી સર્વિસ લાઈન જ ઉતારી લેવાશે. પીજીવીસીએલમાં આ પ્રકારની કાર્યવાહી મોટેભાગે ક્યારેય કરવામાં આવી નથી.