chanchal Just another WordPress site
રાજ્યના હવામાન વિભાગ દ્વારા ફરી એકવાર વરસાદનું જોર જામવાની સંભાવના વ્યક્ત કરવામાં આવી છે. હવામાન વિભાગ દ્વારા ગુજરાતમાં ભારે વરસાદ થવાની શક્યતાઓ વ્યક્ત કરવામાં આવી છે.
વરસાદી સિસ્ટમ ધીમે-ધીમે ગુજરાતની વધારે નજીક પહોંચી રહી છે. રાજ્યમાં 17મી જુલાઈથી વરસાદનું જોર વધવાની શક્યતાઓ વ્યક્ત કરવામાં આવી રહી છે.
ચોમાસાનો ત્રીજો રાઉન્ડ શરુ થવાની શક્યતાઓ વચ્ચે તાપમાનમાં મોટો ફેરફારની સંભાવના ન હોવાનું પણ હવામાન વિભાગ દ્વારા જણાવવામાં આવ્યું છે
અમદાવાદ હવામાન કેન્દ્રના વડા ડૉ. મનોરમા મોહંતીએ શુક્રવારે આગામી 7 દિવસના હવામાન અંગે આગાહી કરતા જણાવ્યું હતું કે, 3-4 દિવસ સુધી છૂટોછવાયો વરસાદ રહેવાની શક્યતાઓ છે. આ દિવસો દરમિયાન હળવાથી સામાન્ય વરસાદની શક્યતાઓ વ્યક્ત કરવામાં આવી છે. હવામાન વિભાગે અમદાવાદમાં પણ હળવો વરસાદ રહેવાની શક્યતાઓ વ્યક્ત કરી હતી
