હવે તમારું ટીવી જોવાનું પણ થશે મોંઘુ,દરમાં 10-15%નો વધારો કરવામાં આવ્યો હોવાની શક્યતા

મોટા બ્રોડકાસ્ટર્સ જેવા કે ઝી એન્ટરટેઈનમેન્ટ, કલ્વર મેક્સ એન્ટરટેઈનમેન્ટ અને સન ટીવી નેટવર્કે ત્રણ વર્ષના સમયગાળા પછી તેમના બુકે રેટમાં વધારો કર્યો છે, એક અહેવાલમાં આ અંગેની માહિતી મળે છે. આ નવી કિંમતો આવતા વર્ષે 1 ફેબ્રુઆરીથી અમલમાં આવી શકે છે. કેટલાક અહેવાલોમાં  દરમાં 10-15%નો વધારો કરવામાં આવ્યો હોવાનું કહેવાયુ છે.  એક કેબલ ટીવી કંપનીના એક વરિષ્ઠ એક્ઝિક્યુટિવએ કહ્યું હતું કે, સોનીએ રૂ. 31ની કિંમતને બંધ કરી દીધી છે. તેના સ્થાને રૂ. 43ની કિંમત નક્કી કરાઈ છે. ચેનલોએ તેમની સંદર્ભ ઇન્ટરકનેક્ટ ઑફર્સ અથવા નિયમો અને શરતોનો ઉલ્લેખ કરતા દસ્તાવેજો અને કિંમતો ફાઇલ કરી છે, જેના હેઠળ સેવા પ્રદાતા તેના નેટવર્ક સાથે અન્ય કેરિયરને ઇન્ટરકનેક્શનની મંજૂરી આપશે. ડિઝની સ્ટાર ઈન્ડિયા અને વાયાકોમ 18 ટૂંક સમયમાં તેમના આરઆઈઓ સાથે ફોલોઅપ કરશે. ડીડી ફ્રી ડીશ અને ઓટીટી પ્લેટફોર્મની સ્પર્ધાનો સામનો કરી રહેલા ડિસ્ટ્રિબ્યુશન સર્વિસ પ્રોવાઇડર્સમાં ભાવ વધારાના કારણે કથિત રીતે ખળભળાટ મચી ગયો છે. નવા ટેરિફ ઓર્ડરમાં ટ્રાઈના સુધારાને પગલે આ વધારો કરવામાં આવ્યો છે, જે  ટીવી ચેનલોની પ્રાઇસ કેપ રૂ. 19 થી રૂ. 12 સુધી પુનઃસ્થાપિત કરે છે.