રેમલ ચક્રવાતથી ખાનાખરાબી સર્જાઇ

ગંભીર ચક્રવાતી તોફાન ‘રેમલ’ ત્રાટક્યા બાદ કોલકાતામાં ભારે વરસાદ અને તેજ પવનનો સપાટો જોવા મળી રહ્યો છે. કોલકાતા મ્યુનિસિપલ કોર્પોરેશન, કોલકાતા પોલીસ અને ડિઝાસ્ટર મેનેજમેન્ટ ટીમ શહેરના અલીપુર વિસ્તારમાં ધરાશાયી થયેલા વૃક્ષોને હટાવવાની કામગીરીમાં વ્યસ્ત છે. મોડી રાતની તસ્વીરોમાં જોવા મળ્યું હતું કે વરસાદ શરૂ હોવા છતાં કામદારો રસ્તાઓ સાફ કરવાનો પ્રયાસ કરી રહ્યા હતા.

દક્ષિણ કોલકાતાના ડીસી પ્રિયવ્રત રોયે કહ્યું કે, અમને માહિતી મળી રહી છે કે કેટલીક જગ્યાએ વૃક્ષો ધરાશાયી થયા છે. કોલકાતા નગરપાલિકાની ટીમ, કોલકાતા પોલીસની ડિઝાસ્ટર મેનેજમેન્ટ ટીમ તે વિસ્તારોમાં પહોંચી ગઈ છે અને કામ ચાલી રહ્યું છે. ટૂંક સમયમાં જ ઉખડી ગયેલા વૃક્ષોને કાપીને દૂર કરવામાં આવશે જેથી કરીને રસ્તાઓ ખોલી શકાય. સવાર સુધીમાં સ્થિતિ ઠીક થઈ જશે.

ચક્રવાતને ધ્યાનમાં રાખીને પોલીસનો વિશેષ સંકલિત કંટ્રોલ રૂમ આખી રાત પરિસ્થિતિ પર નજર રાખી રહ્યો છે. પાલિકા કંટ્રોલરૂમ પણ ખોલવામાં આવ્યો છે. પશ્ચિમ બંગાળ અને બાંગ્લાદેશના દરિયાકાંઠે પડોશી દેશ મોંગલાના દક્ષિણ-પશ્ચિમમાં સાગર દ્વીપ અને ખેપુપારા વચ્ચે રવિવારે રાત્રે 8:30 વાગ્યે ભૂસ્ખલનની પ્રક્રિયા શરૂ થઈ હતી. ‘રેમલે’ કાચા મકાનોનો વિનાશ કર્યો હતો અનેક સ્થળો પર ઝાડ પડી ગયેલા જોવા મળ્યા તો કેટલીક જગ્યાઓ પર વીજળીના થાંભલાઓ તૂટી પડેલા જોવા મળ્યાં છે.પવનની ગતિ 110 થી 120 કિલોમીટર પ્રતિ કલાકની રહી હતી. જે વધીને 135 કિલોમીટર પ્રતિ કલાક થઈ ગઈ હતી. રાજભવનની બહારથી લેવામાં આવેલી તસવીરોમાં રાજધાનીમાં ભારે વરસાદ અને જોરદાર પવનની અસર જોવા મળી હતી. ચક્રવાતી તોફાન વિશે વાત કરતા, IMD કોલકાતાના પૂર્વ ક્ષેત્રના વડા સોમનાથ દત્તાએ કહ્યું, ‘બાંગ્લાદેશ અને પશ્ચિમ બંગાળના દરિયાકાંઠે પહોંચવાની પ્રક્રિયા રાત્રે 8:30 વાગ્યે શરૂ થઈ હતી.