મારો પતિ મને નગ્ન કરીને પટ્ટાથી ફટકારે છે… અમદાવાદની પરિણીતાની આપવીતી

અમદાવાદની અભયમની ટીમ પાસે એક વિચિત્ર કિસ્સો આવ્યો હતો. શાહીબાગ વિસ્તારમાં રહેતી એક મહિલાએ ફરિયાદ કરી કે તેનો પતિ તેને હેવાનની જેમ મારઝૂડ કરે છે. તે મને નગ્ન કરીને પટ્ટાથી ફટકારે છે.

અમદાવાદના શાહીબાગ વિસ્તારમાં રહેતી મહિલાએ 181 મહિલા હેલ્પલાઈન અભયમનો સંપર્ક કર્યો હતો. મહિલાએ ફરિયાદ કરી કે, તેનો પતિ તેને એટલી હદે ત્રાસ આપતો કે, તેને નગ્ન કરીને પટ્ટાથી ફટકારતો હતો. તે મારા ગુપ્ત ભાગમાં પણ પટ્ટાથી માર મારતો હતો.

મહિલાએ અભયમને જણાવ્યું કે, મારો પતિ મારી સાથે રોજ મારઝૂડ કરે છે. હું તેની પાસેથી છૂટાછેડા માંગુ તો પણ આપતો નથી. લગન બાદથી જ તેણે મારી સાથે મારઝૂડ કરવાનું શરૂ કર્યુ હતું. હું છૂટાછેડાની વાત કરું તો મને બિભત્સ ગાળો ભાંડે છે અને માર મારે છે. મારા પતિ જ મારો ઘરનો ભાર સંભાળે છે. તેઓ ઘરવખરી આપે છે. છતાં મારો પતિ મને માનસિક ત્રાસ આપે છે. તેથી હું હવે તેની સાથે રહેવા માંગતી નથી.

આ બાદ અભયમની ટીમે પતિ પત્નીનું કાઉન્સેલિંગ કરીને મહિલાને તેના સંબંધીના ઘરે મોકલી આપી હતી. સાથે જ પતિને આવું વર્તન કરવા સમજાવ્યો હતો.