દેશમાં ચૂંટણી પ્રક્રિયાને પારદર્શક બનાવવાના હેતુથી ચૂંટણી પંચે આ ઓનલાઈન પોર્ટલ શરૂ કર્યું

ચૂંટણી પંચે સોમવારે એક ઓનલાઈન પોર્ટલ લોન્ચ કર્યું હતું. આ પોર્ટલ પર તમામ રાજકીય પક્ષોએ તેમની નાણાકીય વિગતોની માહિતી આપવાની રહેશે. નાણાકીય વિગતોની સાથે રાજકીય પક્ષોએ ચૂંટણી ખર્ચ અને પક્ષને મળેલા નાણાકીય યોગદાનની માહિતી પણ આપવાની રહેશે. દેશમાં ચૂંટણી પ્રક્રિયાને પારદર્શક બનાવવાના હેતુથી ચૂંટણી પંચે આ ઓનલાઈન પોર્ટલ શરૂ કર્યું છે.

આ પોર્ટલ ચૂંટણી પંચની 3C વ્યૂહરચનાનો એક ભાગ છે, જેમાં રાજકીય ભંડોળ અને ખર્ચમાં પારદર્શિતા અને જવાબદારીને મજબૂત કરવા માટે સફાઈ, ગેરકાયદેસર ભંડોળ પર કડક કાર્યવાહી અને નિયમોનું પાલન શામેલ છે. ઉલ્લેખનીય છે કે જે રાજકીય પક્ષો તેમના નાણાકીય નિવેદનોની વિગતો રજૂ નહીં કરે, તેઓએ લેખિતમાં કારણ આપવું પડશે. આ સાથે સીડી અને પેન ડ્રાઇવ સાથે નિયત ફોર્મેટમાં રિપોર્ટ ફાઇલ કરવાનો રહેશે.

પોર્ટલ પર યોગદાન અહેવાલ, ઓડિટ વાર્ષિક અહેવાલ અને ચૂંટણી ખર્ચની વિગતો ફાઇલ કરવાની સુવિધા હશે. નોંધનીય છે કે જનપ્રતિનિધિત્વ અધિનિયમ, 1951 હેઠળ, પંચે સમયાંતરે ચૂંટણી પંચને રાજકીય પક્ષોની નાણાકીય વિગતો આપવી જરૂરી છે.