ભરૂચ: દઢાલના ગ્રામજનો ગળા સુધીના પાણીમાં જીવને જોખમે નનામી લાવવા મજબૂર

એક તરફ જ્યારે ભરૂચ જિલ્લામાં વિકાસના મોટા મોટા દાવાઓ અને યોજનાઓ જાહેર કરવામાં આવી રહી છે, ત્યારે બીજી તરફ જમીન પર હજુ પણ અનેક વિસ્તારો એવા છે, જ્યાં મૂળભૂત સુવિધાઓની પણ અછત છે. આવા જ કઠિન વાસ્તવિકતાને ઉજાગર કરતા દ્રશ્યો અંકલેશ્વરના દઢાલ ગામમાંથી સામે આવી છે.દઢાલ ગામ પાસેના સાગબારા ફાટક વિસ્તારમાં વસવાટ કરતા આદિવાસી પરિવારો મજબૂરીમાં અમરાવતી નદીના ધસમસતા વહેણમાં ગળા સુધીના પાણીમાંથી પસાર થઈને નનામી લાવવાની ફરજ ભોગવી રહ્યાં છે. આ દ્રશ્યો સ્થાનિક લોકો દ્વારા મોબાઈલમાં કેદ કરી સોશિયલ મીડિયા પર શેર કરવામાં આવ્યા હતા, જે વાયરલ થયા છે.વરસાદી સમયમાં નદી પાડી જવાથી દઢાલના લોકોને બહાર જવાનો માર્ગ બંધ થઈ જાય છે. ગામમાં કોઈ પુલ કે પુલિયા નથી, જેના કારણે બાળકો, વૃદ્ધો અને મહિલાઓ માટે દૈનિક જીવન પણ જોખમી બની જાય છે. માત્ર નનામી જ નહિ, દવા, શાળા કે રોજગાર માટે નીકળવું પણ મુશ્કેલ છે.આદિવાસી સમાજ આજે પણ એવા સંજોગોમાં જીવન જીવતો હોય છે, જ્યાં નાનાં કામ માટે પણ નદી ક્રોસ કરવી પડે. ત્યારે “સમગ્ર જિલ્લાની સમૃદ્ધિ”ના દાવાઓ વિરુદ્ધ આ દ્રશ્યો સ્પષ્ટ પાટું દોરે છે કે શહેરોની બહારના વિસ્તારો હજુ પણ વિકાસથી વંચિત છે.અંકલેશ્વરના દઢાલ ગામના રહેવાસીઓએ શાસનને પુલ બાંધવાની તાત્કાલિક માંગ કરી છે. સાથે સાથે વરસાદી સમયમાં અતિ જોખમવાળા વિસ્તારો માટે તાત્કાલિક વ્યવસ્થા – જેમ કે બોટ અથવા તટબંધ – ઊભી કરવામાં આવે એવી માંગ સોશિયલ મીડિયા મારફતે ઉઠી રહી છે.આ દ્રશ્યો માત્ર એક ગામના નથી પરંતુ એ તમામ અભાવગ્રસ્ત વિસ્તારોની વ્યથા છે, જ્યાં લોકો વિકાસની રાહ જોઈ રહ્યાં છે. શાસકશક્તિ માટે આ એક સ્પષ્ટ સંદેશ છે કે “વિસ્તારને વિકાસશીલ ગણાવતા પહેલા એ ગામોમાંથી શરૂઆત કરો, જ્યાં જીવી રહેવું પણ એક લડાઈ છે.