9 મહિના અવકાશમાં વિતાવ્યા બાદ સુનીતા વિલિયમ્સની પૃથ્વી પર વાપસી, જાણો સંપૂર્ણ શેડ્યૂલ – NASA

હૈદરાબાદ: નાસાએ પુષ્ટિ કરી છે કે ઇન્ટરનેશનલ સ્પેસ સ્ટેશન (ISS) પર નવ મહિનાથી ફસાયેલા બે અમેરિકન અવકાશયાત્રીઓ મંગળવારે સાંજે પૃથ્વી પર પાછા ફરશે. બુચ વિલ્મોર અને સુનિતા વિલિયમ્સ, અન્ય અમેરિકન અવકાશયાત્રી અને એક રશિયન અવકાશયાત્રી સાથે, સ્પેસએક્સ ક્રૂ ડ્રેગન અવકાશયાન દ્વારા પાછા ફરશે, જે રવિવારે સવારે ISS પર પહોંચ્યા હતા.નાસાએ રવિવારે સાંજે જણાવ્યું હતું કે આ અવકાશયાત્રીઓના પરત ફરવાનો સમય મંગળવારે સાંજે 5:57 વાગ્યે (ભારતીય સમય મુજબ 19 માર્ચે 3:30 વાગ્યે) ફ્લોરિડા કિનારે આવેલા સમુદ્રમાં હશે. અગાઉ તેઓ બુધવાર પહેલાં રિટર્ન થવાના ન હતા.વિલ્મોર અને વિલિયમ્સ જૂન 2023 થી ISS પર છે. તે બોઇંગ સ્ટારલાઇનર અવકાશયાનની પ્રથમ માનવયુક્ત પરીક્ષણ ઉડાન પર ગયા હતા, પરંતુ તેમાં ટેકનિકલ ખામી સર્જાઈ હતી, જેના કારણે તેઓને સુરક્ષિત પરત ફરવું શક્ય ન બન્યું.નાસાએ કહ્યું કે આ પરત ફરવાનો સમય એ રીતે નક્કી કરવામાં આવ્યો છે કે ISS ક્રૂને તેમનું કામ પૂર્ણ કરવા માટે સમય મળે અને સાથે જ સપ્તાહના અંતમાં ખરાબ હવામાનની સંભાવનાને ધ્યાનમાં રાખીને અનુકૂળતા રહે. NASA એ કહ્યું છે કે તે સ્પેસએક્સ ક્રૂ-9ના ઇન્ટરનેશનલ સ્પેસ સ્ટેશનથી પૃથ્વી પર પાછા ફરવાનું જીવંત પ્રસારણ કરશે. આ ટેલિકાસ્ટ 17 માર્ચે રાત્રે 10:45 વાગ્યે (યુએસ સમય મુજબ) શરૂ થશે. ભારતમાં આ સમય 18 માર્ચે સવારે 8:30 વાગ્યાની આસપાસ હશે.