38
વિસાવદરના ધારાસભ્યશ્રી ગોપાલભાઈ ઈટાલીયાના શપથગ્રહણનો વિધાનસભામાં વિધિવત કાર્યક્રમ
ગાંધીનગર, તા. ૧૬ જુલાઈ ૨૦૨૫:
ગુજરાત વિધાનસભાના માનનીય અધ્યક્ષ શ્રી શંકરભાઈ ચૌધરીએ આજે વિધાનસભા સભાગૃહમાં વિસાવદર વિધાનસભા મત વિસ્તારના નવનિયુક્ત ધારાસભ્યશ્રી ગોપાલભાઈ ઈટાલીયાને ધારાસભ્ય તરીકે શપથ લેવડાવી હતી.
આ વિધિવત શપથગ્રહણ સમારંભ દરમિયાન વિધાનસભાના મુખ્ય સચિવ તેમજ વિવિધ અધિકારીઓની હાજરીમાં શ્રી ગોપાલભાઈ ઈટાલીયાએ ગુજરાત વિધાનસભાના સદસ્ય તરીકે પદની શપથ લીધી.
વિસાવદર વિધાનસભા બેઠક પર થયેલા પેટાચૂંટણીમાં શ્રી ઈટાલીયાએ વિજય મેળવ્યો હતો અને હવે તેઓ સત્તાવાર રીતે વિધાનસભાના સભ્ય બન્યા છે. શપથગ્રહણ બાદ વિધાનસભા પરિસરમાં તેમના સમર્થકો અને પાર્ટી કાર્યકરોમાં ઉત્સાહ જોવા મળ્યો હતો.
