માઉન્ટ આબુ પર ઝરણા વહેતા થયા

હવામાન વિભાગે જાહેર કરેલા આંકડાઓ અનુસાર, છેલ્લી 24 કલાકમાં ( 19-20 જુલાઈ) રાજ્યનો સૌથી વધુ 4.5 ઈંચ જેટલો વરસાદ બંનાસકાઠા પંથકમાં જ નોંધાયો છે. ખાસ કરીને દાંતામાં 4.45 ઈંચ, લાખાણીમાં 2.8 ઈંચ, અમીરગઢમાં 2.7 ઈંચ અને પાલનપુરમાં 2.56 ઈંચ વરસાદ નોંધાયો છે, આ તમામ વિસ્તારો માઉન્ટ આબૂની આસપાસ જ આવેલા હોવાથી માઉન્ટ આબૂ પર પણ રમણીય વાતાવરણ છવાયું છે.નોંધનીય છે કે, આબુમાં આગામી 24 કલાકમાં પણ વરસાદ ચાલુ રહેવાની શક્યતા છે. ભારે વરસાદ અને વધતી જતી પાણીની સપાટીને ધ્યાનમાં રાખીને તંત્ર દ્વારા પ્રવાસીઓ માટે ખાસ માર્ગદર્શન જારી કરવામાં આવ્યું છે – ઢાળાવાળા વિસ્તારોમાં સાવધાની રાખવી અનિવાર્ય છે. સાથે તળાવ પર બોટિંગ સેવા તાત્કાલિક બંધ કરી દેવાઈ છે.